ಸಹಜ ನ್ಯಾಯ!

ಪತ್ರಿಕೆಯ ಬರೆಹವೊಂದರ ಮೊದಲಿಗೆ "... ಸಹಜನ್ಯಾಯ ಅಲ್ಲ" ಎಂಬ ವಾಕ್ಯವನ್ನು ಓದಿದೆ. ಸಹಜ ನ್ಯಾಯ ಎಂದರೇನು? ಕರ್ನಾಟಕದ ರಾಜ್ಯಪಾಲರು ಮಾಡಿದ್ದು ಸರಿಯಲ್ಲ ಎನ್ನುವುದು ಈ ವಾಕ್ಯ ಬರೆದವರ ನಿಲುವಾಗಿದ್ದರೆ ಹಾಗೇ ಬರೆಯ ಬೇಕಿತ್ತು. ಬದಲಿಗೆ ಸಹಜ ನ್ಯಾಯ ಎಂಬ ಮಾತನ್ನು ಬಳಸಿದ್ದು ವಿಚಿತ್ರವಾಗಿದೆ. ಇದು ಇಂಗ್ಲಿಶಿನ ಸವಾರಿ. ನ್ಯಾಚುರಲ್ ಜಸ್ಟೀಸ್ ಎಂಬುದನ್ನು ಕನ್ನಡದಲ್ಲಿ ಹೇಳಲು ಹೀಗೆ ಸಹಜ ನ್ಯಾಯ ಎನ್ನಲಾಗಿದೆ. ಹೀಗೆ ಕನ್ನಡದಲ್ಲಿ ಬರೆಯಲು ಇಂಗ್ಲಿಶಿನ ತಿರುಳನ್ನು ಸಂಸ್ಕೃತದ ಪದಗಳಲ್ಲಿ ಹೇಳುವ ಹಾದಿಯಿಂದ ಹೊರಬರಲು ಆಗದೇನು?